قصة عمرها كام الف من السنيين
بقلم الشاعرة هناء عوض :
وقالتلي تصدقي … ؟
من غير ما تدمعي …
من حبك انتي فعلا 🇪🇬 ❤
بنحب مصر جدااا …. من حبك انتي ده … بنحب كل ده
قلتلها تصدقي ، و عيوني و ادمعي
روحي لو تعرفي … نبضي لو تسمعي …
بكلامك انتِ ده … في الوقت الصعب ده …
عرفني ان قلبي في لقاها شاف كتير
فكرني انه شايل عشانها حاجات كتير
بيحب اه … ده طبعه … لكن تفرق كتير
قلبي في حبها عايش حياة امير
و ساعات بقلب شهيد … قوي …صامد و عنيد
بيغازل حسنها ، و يترجى ودها … روحه فيها هي و هي عايشة فيه …
لو تؤمر بس يمكن يفرد جناحات يطييير
قلبي في حبها … طارح سنابل عجب
ضحكه قمح دهب ، و سماره تمر رطب …
و يحلي بسكر قصب … مزروع في ارض خير …
قلبي في حبها … ضامم شراع كبير …
لمركب على وش نيل …
قلبي في حبها موجة في بحر شاعر
بيحكي مع السما ، أبيات ويا السحاب ….
لقصيدة عمرها … كام الف من السنين
ولو صادف القمر يرسم على خده وردة
ورقاتها بدون عتاب … تمنح بدون حساب
بشرط تكون بقلب ، احمر درجاته دافية
و يكون بيحب مصر …
بيحب مصر جدا ❤🇪🇬