من أسرار النجاح

بقلم: أحمد الليثي

 

ابذل مجهود زيادة وأى حاجة تعملها حتى لو كانت صغيرة جدا اعملها بضمير وبمنتهى الإتقان ومتسبش وراك فتفوته .

اتعلم كل يوم معلومة على الأقل .

الإنسان قدْره في الدنيا بقدر معلوماته وخبراته حتى لو مش في مجالك خالص هاتنفعك ولن تضرك ومسيرها هتنفعك.

تصدق ثم تصدق ثم تصدق بجزء من فلوسك فلوسك ومتخافش فلوسك مش هتقل .

وطبعا واظب على صلاتك

كل حاجة هتتظبط عندك .

صل رحمك حتى لو بمكالمة لكل حد تعرفه يوميا.

آخر حاجة امشي . اجرى . روح جيم . العب أى رياضة باستمرار.

اللى لازم نبطله كلنا :

السجائر والشيشة .

السهر الزايد بدون فايدة .

القاعدة على الكافيهات وتضييع الأوقات.

الأكل في المطاعم .

الإفراط في تصفح الفيس واليوتيوب والسوشيال كله طول اليوم وتضييع الوقت .اخرك نص ساعة ومتكنش قبل النوم أو أول متصحى.

احذر النوم لحد العصر . أخرك ١٠ الصبح لو أنت بتحب السهر اوى يعنى . وطبعا يفضل جدا تصحى الفجر ومتنامش بعدها

 

انفق ما شئت طالما ليس تبذيرا وليس محرما. ولا تحرم نفسك وأهلك

لكن الأهم اسعى ثم اسعى ثم اسعى لزيادة دخلك ومضاعفتة ولا تثق بالزمان قدر شبر … ولكن ثق تماما في الواحد الديان..

وبالله التوفيق والسداد