همسات

بقلم علاء الداودى:

أكبر فتنة ممكن يتعرض لها الإنسان في هذه الأيام ،إن الغلط حواليك في كل مكان ودائما كسبان،زميلك اللي بيغش جاب أعلى منك،عصفورة المكان واخد امتيازات عنك .

والكذاب المحوراتي الصايع مسلك أموره ،والأمين اللي مراعي ربنا حاله واقف،والموظف الفاسد اللي فاتح درج مكتبه للفساد ركب المرسيدس ، والشريف عايش على قليله بالحلال.

والمطبلاتي المنافق المضلل مسك أعلى منصب ، والكفء بجد محدش شايفه،والعري والإسفاف والفضائح بقى بيشهر ويكسب دهب ، والمحتوى الهادف المحترم مالوش جمهور .

محدش هينجو إلا اللي فاهم هو جاي الدنيا دي ليه ، وان أي مكسب دنيوي قصاد أخلاقك ودينك ما يساويش،”أحسب الناس أن يتركوا أن يقولوا آمنا وهم لا يفتنون”.